هذا الدليل يمشي معك من الصفر: كيف تنزّل الأداة وتثبّتها، وكيف تمنتج أول مقطع، ووش تسوي كل أداة داخل الاستوديو.
أداة مونتاج لمقاطع الكلام للكاميرا: تيك توك، ريلز، شورتس، إكس، لينكدإن. تعطي Claude الفيديو، يقص السكتات ويفرّغ كلامك ويكتب الكابشن العربي ويصمم المشاهد، وأنت تتابع شغله لحظة بلحظة بصفحة في المتصفح. ولما يخلص يتحول المقطع لتايم لاين تعدّل فيه أي شي بإيدك قبل التصدير.
قص، تفريغ، كابشن، كروت شرح، صور ومقاطع توضيحية، مؤثرات وأصوات، على متطلبات منصتك.
صفحة تعرض المراحل ولقطات من الشغل أول بأول، من الكمبيوتر أو الجوال.
تسحب، تقص، تغيّر الخط والألوان، تضيف عناصر، وكل تعديل يظهر فوراً.
الفيديو والصوت ووجهك ما ينرفعون لأي خدمة. والتوليد بالذكاء يصير من حساباتك أنت.
شي واحد لازم تجهّزه بنفسك: Claude Code مثبّت على جهازك ومسجّل دخول بحسابك. الطريقة الرسمية في صفحة Claude Code.
الباقي أدوات مجانية ومفتوحة المصدر. ما يحتاج تثبّتها بنفسك: Claude يفحص جهازك، ويقول لك وش الناقص وليش ومن وين ينزل وحجمه، وما يثبّت شي إلا بعد موافقتك.
| الأداة | ليش نحتاجها | المصدر والحجم |
|---|---|---|
| ffmpeg | يقص الفيديو ويركّب الصوت والصورة ويطلّع الملف النهائي | ffmpeg.org · 90 ميقا تقريباً |
| Python + whisper | يفرّغ كلامك لنص بتوقيت كل كلمة عشان الكابشن | مكتبة OpenAI المفتوحة · الموديل 1.4 قيقا مرة وحدة · يشتغل على جهازك |
| Node.js | يشغّل كروم بدون نافذة عشان يرسم الكابشن والكروت فريم فريم | nodejs.org |
| Chrome أو Edge | محرّك الرسم، نفس المتصفح اللي عندك | ما يتثبّت شي جديد لو عندك واحد |
| Git for Windows | ويندوز فقط: يشغّل سكربتات التجميع | git-scm.com |
المساحة: الأداة نفسها 20 ميقا تقريباً، وموديل التفريغ 1.4 قيقا، وكل مشروع ياخذ حسب طول المقطع.
من الصفحة الرسمية. لو هو عندك من قبل تخطّ هذي الخطوة. (OpenCode يشتغل بعد، شوف تحت.)
Claude ينسخ الأداة كاملة لمجلد السكلز. لو git مو موجود عندك يقول لك ويثبّته بموافقتك.
عشان يتعرّف على الأداة.
يقول لك وش موجود ووش ناقص. وافق على اللي يحتاجه، وهو يثبّته ويتأكد إنه اشتغل.
ماك ولينكس:
git clone https://github.com/rakaga66/hojas-studio ~/.claude/skills/hojas-studio
ويندوز (PowerShell):
git clone https://github.com/rakaga66/hojas-studio "$HOME\.claude\skills\hojas-studio"
نزّل الملف المضغوط، فك الضغط في Documents، ودبل كلك على install.bat (ماك: bash install.sh). لو طلع تحذير ويندوز اضغط «More info» ثم «Run anyway». لازم تطلع رسالة Hojas Studio skill installed، ولا تنقل المجلد بعدها.
~/.claude/skills، فنفس السطر يكفي. القص والتفريغ والكابشن والاستوديو تشتغل، وزر «نفّذ» يكتشفه لحاله (تجريبي). اللي يحتاج Claude in Chrome (التوليد من حساباتك والنشر) يشتغل مع Claude Code بس.صوّر مقطعك وحطه بأي مجلد بجهازك. أي صيغة من الجوال تمشي (mp4 أو mov).
تقدر تسحب الملف لنافذة Claude بدل ما تكتب مساره.
بالمتصفح، وفيها مراحل الشغل: استلام، قص، تفريغ، كابشن، قص وزوم، مشاهد، رسم، نهائي.
بعد التفريغ تتحول الصفحة لأسئلة عن منصتك وشكل المقطع. جاوب واضغط حفظ وأبدأ. Claude ما يسألك عن المونتاج بالمحادثة أبداً، كل شي هنا.
كل مرحلة تظهر مع لقطات منها. تقدر تقفل الصفحة وترجع لها.
لما يخلص تتحول الصفحة لوحدها للاستوديو. غيّر اللي تبيه، أو اكتب ملاحظات على أي ثانية واطلب من Claude يطبّقها.
زر تصدير فوق. الملف يطلع جاهز للنشر، وتقدر تنزّله على جوالك برمز QR.
كل قرار بالمونتاج يجي من إجاباتك هنا. الإجابات تنحفظ، والمرة الجاية تلقاها معبّاة باختياراتك السابقة.
| السؤال | وش يغيّر |
|---|---|
| نوع المقطع | الأسلوب كله. وفيه «أخرى» تكتب فيها بكلامك |
| المنصات | المدة والإيقاع ومكان الكابشن بعيد عن أزرار المنصة |
| المقاس | 9:16 أو 4:5 أو 1:1 أو 16:9 |
| الكابشن | الستايل والمكان والترجمة |
| الهوك | جملة البداية، يقترح لك من أقوى سطر بكلامك |
| الصور والمقاطع | حقيقية برخص حرّة، أو مولّدة من حسابك، أو ترفعها أنت |
| كروت الشرح | بدون، قليل، متوسط، كثير |
| المؤثرات والصوت | كمية الزوم والانتقالات والمؤثرات الصوتية |
| القص | شيل الحشو والإعادات، وجمل تعلّمها للحذف |
| الختام والهوية | كرت النهاية واسم حسابك |
| ألوان حسابك | يختار من المقطع، أو أبيض وأسود، أو ألوانك بمنتقي الألوان |
الواجهة عربي، وفيها زر EN فوق لو تبيها إنجليزي.
كل أداة هنا تقدر تستخدمها بإيدك، أو تطلبها من Claude بكلامك وهو يسويها ويظهر التعديل عندك خلال ثانيتين.
بحث بالنص، تصحيح كلمة، حذف جملة كاملة من الفيديو، وتمييز كلمة بلون.
نظيف، صندوق، كبسولة، جريء، كاريوكي، كلمة كلمة، قزاز وغيرها. والخط والحجم واللون والمكان.
سطر إنجليزي تحت كل جملة، تعدّله جملة جملة.
عنوان المقطع بأشكال جاهزة، وصيغ هوك، ونص حر تحطه وين ما تبي.
الشرح يتحرك فوق وأنت تحت، والسكل يحدد مكان وجهك عشان الكرت ما يقص نصه. تسع أشكال: نقاط، خطوات، مخطط بأسهم، مقارنة، رقم كبير يعدّ، صح وغلط، خط زمني، قمع، اقتباس. وفيه رسم حر يرتب فيه Claude دوائر وصناديق وأسهم وأيقونات.
نسبة من نقط، شبكة أشخاص، دائرة تتعبى، أعمدة مقارنة، خريطة ومسار بين مدينتين، ختام بكلمة، شاشة كلمة.
تكتب رابط موقع، وتطلع صورته داخل إطار متصفح وتتحرك لتحت.
سبع أشكال ورا المتحدث: تغبيش، أبيض وأسود، تعتيم، لون، تدرّج، استوديو، صورة.
كلمة كبيرة تمر ورا راسك. تشتغل والفيديو ملء الشاشة.
مقاطعك ترفعها، أو مقاطع حقيقية برخص حرّة من ويكيميديا كومنز تنقص على الجملة اللي تتكلم عنها.
تكتب الوصف وتضغط «اطلب صورة» أو «اطلب مقطع». يتولد من حسابك في ChatGPT أو Gemini، بدون أي مفتاح API.
ترفع صورة أو شعار وتحطه كطبقة بإطار. وشخصيات صغيرة تتفاعل مع كلامك، أو ترفع شخصيتك.
مصدر كل صورة حقيقية ينحفظ تلقائياً ويطلع مع حزمة النشر.
زوم، ضربة، اهتزاز، وميض، تغبيش، حبيبات فيلم، تقريب وضوء على الوجه، انفصال ألوان، شريط قديم، مرآة، خطوط سرعة وغيرها. كل مربع فيه مثال حي.
المربع الأبيض على تراك الفيديو عند كل قصة: تختار انتقال بين اللقطتين، أو تطبّقه على الكل.
مكتبة أصوات تسمعها قبل تضيفها، وتنحط عند المؤشر وتسحبها بالتايم لاين.
ترفع ملفاتك الصوتية أو تحطها بمجلد «أصواتي»، تسمّيها وتكتب متى تنستخدم، وClaude يستخدمها بمونتاجك.
الانتقال يكمّل حركة اللقطة: نصه قبل القص ونصه بعده بنفس الاتجاه، بدون ذوبان. سبعة أنواع: انزلاق، دخول، خروج، تركيز، سحبة سريعة، لفّة، ودائرة تقفل على وجهك وتفتح. حطه عند تغيّر الفكرة بس، وخلّ القصات العادية قطع مباشر. اتجاه الحركة تختاره مرة وحدة للمقطع كله.
دائرة على كلمة، خط تحت رقم، سهم على زر، مربع، تظليل، صح وخطأ. تنرسم قدامك بنص ثانية.
مؤشر كبير يدخل من طرف الشاشة ويضغط على الشي اللي تتكلم عنه. ممتاز مع لقطات المواقع.
اسمك وتحته صفتك أو حسابك، بأربع أشكال: شريط، بطاقة، كبسولة، خط.
وجهك يصغر بزاوية والشاشة كلها تصير للشرح أو الصورة أو الأرقام.
صورك تتحول قصاصات ورق منقّطة بحد وظل وتتركّب على خلفية لون واحد. أحلى شي مع صور بخلفية شفافة.
خط بياني ينرسم ورقمه يمشي معه، عدّاد يدور مثل آلة السلوت، وعنوان خبر يتظلّل جزء منه مع كلامك.
الطابع يغيّر شكل المقطع كله بضغطة: ألوان الكروت والكابشن، الملمس، ونوع الانتقال. فيه 12 طابع، منها ملف سري، كينوت داكن، سينما صامتة، هولوقرام، فخامة ذهبية، سبورة، مشربية، وفانوس رمضان. وتلوين الفيديو يغيّر ألوان الفيديو بس (بشرة ناعمة، استوديو، دافي، سينمائي، أبيض وأسود…) والكتابة تبقى بألوانها.
Claude يقسّم الكابشن على أنفاس كلامك بدل التقسيم الآلي، ويشيل الجمل اللي يخترعها التفريغ فوق السكوت مثل «اشتركوا في القناة». وفيه تمييزين جداد للكلمة المنطوقة: توهّج وقلم تظليل. وبلوحة الصوت: تحسين صوتك بستة أشكال (أوضح، أقل طنين، أنظف، أنعم، إذاعي، مكالمة)، والموسيقى الطويلة تنخفض لحالها وقت كلامك.
مربع «كرت الختام» آخر تراك الفيديو. اضغطه تعدّل نصه: سطرين، دعوة، كلمة بارزة، سطر صغير، ونقاط. واختر خطه من القائمة (أي خط من خطوط الكابشن أو خط رفعته). اسحب طرفه اليمين تغيّر مدته، أو احذفه. ولو ما فيه ختام تضيفه من «الملفات».
| اللوحة | وش فيها |
|---|---|
| العنصر | إعدادات اللي حددته: التوقيت، الحجم، اللون، الحركة. وخيار «طبّق على هذا فقط أو الكل» |
| الكابشن | الستايل والخط والحجم والألوان والمكان |
| الترجمة | تشغيل الترجمة وتعديل كل سطر |
| الصوت | مستوى صوتك والمؤثرات والموسيقى |
| الفحص | يكشف الفترات الطويلة اللي ما يتغير فيها شي، والجمل الطويلة بالكابشن، ويعطي المقطع درجة |
| الملاحظات | ملاحظاتك على الثواني، ترسلها لـ Claude يطبّقها |
| Claude | تكتب طلب وتضغط «نفّذ» فيشتغل Claude Code على جهازك |
| المشروع | التصدير، حزمة النشر، المقاس والمنصات، مقارنة نسختين، الهويات، الخصوصية والأدوات |
اسحب أي عنصر من نصه عشان تحركه، ومن طرفه عشان تطوّله أو تقصّره. تحريكه لفوق أو تحت ينقله بين صفوف الطبقات. لو سحبت قرب طرف التايم لاين يمشي لحاله.
اضغط على أي لقطة بتراك الفيديو فتتحدد، واسحب طرفها الأبيض تقص من أولها أو آخرها، أو احذفها كاملة. أو بأداة التقسيم حط علامتين وحدد اللي بينهم واحذفه.
| المفتاح | وش يسوي |
|---|---|
| Space | تشغيل وإيقاف |
| A | أداة التحديد |
| B | أداة التقسيم (المقص) |
| N | المغناطيس تشغيل وإطفاء |
| S | المعاينة بالمرور: تمرّر الماوس على التايم لاين وتشوف |
| M | ملاحظة على الثانية الحالية |
| ← → | فريم واحد، ومع Shift ثانية كاملة |
| Del | حذف المحدد |
| Ctrl + Z | تراجع |
| Ctrl + D | تكرار العنصر |
| Ctrl + F | بحث بالنص |
يطلع رمز QR.
الجوال والكمبيوتر لازم على نفس الواي فاي. الرابط فيه رمز دخول خاص فيك.
المعاينة فوق، شريط تمرير وتشغيل، وخمس تبويبات: النص، الكابشن، إضافات، ملاحظات، تصدير.
المعاينة بالجوال بنص الدقة عشان تمشي خفيفة. التصدير ما يتأثر ويطلع بالدقة الكاملة.
بنفس نافذة «الجوال» اضغط فعّل الإشعارات. نزّل تطبيق ntfy المجاني (بدون حساب)، اضغط + واكتب اسم القناة اللي يطلع لك أو صوّر رمزه، واضغط «أرسل تجربة». بعدها Claude يكلّمك لحاله:
لما تنفتح صفحة الأسئلة، أو يحتاج منك شي، يوصلك إشعار بدل ما يجلس ينتظر.
أول ما يخلص التصدير يوصلك المقطع نفسه على الجوال (لين 15MB)، والأكبر منه يقول لك وينه.
لو طلبت ينشر، يرسل لك إن المقطع جاهز وينتظر موافقتك قبل الضغطة الأخيرة.
زر «تصدير» فوق. يطلع ملف mp4 جاهز، والصوت مضبوط على مستوى المنصات.
بعد التصدير اضغط «على الجوال» وصوّر الرمز، فيتحمّل الملف على جوالك مباشرة.
من «المشروع»: المقطع، ملفات ترجمة SRT عربي وإنجليزي، نص كلامك، نص المنشور، وحقوق الصور، بملف zip واحد.
رابط برمز خاص. العميل يعلّق على أي ثانية ويرسم ويعتمد، وتعليقاته ما تتطبّق إلا لو حوّلتها لملاحظة.
بعد التصدير قل له: انشره على تيك توك أو جدوله على تيك توك بكرة الساعة 8 المغرب. Claude يفتح TikTok Studio من متصفحك وبحسابك المسجّل، يرفع المقطع ويحط الوصف من نص المنشور، ويوقف قبل زر النشر ويسألك. ما يحتاج أي مفتاح، وما يكتب كلمة سرك أبداً. الضغطة الأخيرة لك عشان أي غلطة ما تنزل للعامة، وعشان تيك توك ما يقيّد حسابك.
كل تعديل تسويه على مونتاج Claude (الخط، الألوان، كرت الختام، الطبقات اللي تحذفها، الكلمات اللي تصحّحها بالتفريغ) ينحفظ لما تصدّر. المقطع الجاي يبدأ قريب من ذوقك، والتصحيح اللي تكرره مرتين يتطبّق لحاله. اسأله وش تعرف عن أسلوبي؟ يعرضه لك.
تكلم معه عادي. أمثلة:
طبّق ملاحظات الاستوديو شيل الحشو والإعادات حط كرت شرح عند «ثلاث خطوات» بشكل خطوات غيّر الخلفية ورايه لتغبيش من الثانية 8 لين 12 سوّ ترجمة إنجليزي تحت الكابشن حط شريط اسمي أول ثلاث ثواني طبّق طابع الكينوت الداكن وتلوين البشرة الناعمة لما أقول «الرابط» حط مؤشر يضغط على الزر افتحه على جواليوتقدر تكتب الطلب من داخل الاستوديو بلوحة Claude وتضغط «نفّذ».
الأداة تشتغل على جهازك. الخادم محلي (127.0.0.1)، والفيديو والصوت والنص ووجهك تتعالج كلها على جهازك.
| اللي يتصل بالنت | متى ولماذا |
|---|---|
| خطوط Google | ينزّل ملف الخط اللي تختاره. بلا نت يشتغل بخط مرفوع |
| مكتبة الأصوات | أول مرة تستخدم صوتاً ينزل من Mixkit وينحفظ عندك |
| بحث الصور والمقاطع | يسأل ويكيميديا كومنز بكلمات البحث فقط |
| لقطة موقع | يفتح الرابط اللي تكتبه أنت فقط |
| إشعارات الجوال (لو فعّلتها) | الإشعار والمقطع يمرّون على خادم ntfy.sh ساعات قليلة. اسم القناة هو كلمة السر |
| النشر (لو طلبته) | من متصفحك وبحسابك، وبعد موافقتك على الضغطة الأخيرة |
قبل أي أداة يقول لك اسمها وليش يحتاجها ومن وين وحجمها، وينتظر موافقتك.
«المشروع» ← «الخصوصية والأدوات» يعرض كل أداة مستخدمة ووش يتصل بالنت.
الجوال على شبكة البيت فقط وبرمز دخول. ورابط العميل برمز ثاني صلاحيته تعليق فقط.
كل الأدوات تشتغل على جهازك، والتوليد بالذكاء من حساباتك بالمتصفح فقط. الأفكار المأخوذة من أدوات مفتوحة المصدر مذكورة مع رخصها في THIRD_PARTY.md.
بموديلات MediaPipe المفتوحة محفوظة داخل الأداة (رخصة Apache 2.0). صورتك ما تنرفع لأي خدمة.
install.bat وطلعت رسالة النجاح، ثم اقفل Claude Code وافتحه.install.bat.لو ثبّتها بـ git: قل لـ Claude حدّث Hojas Studio (يشغّل python hs.py update). لو ثبّتها بالملف المضغوط: نزّل الجديد وفك ضغطه مكان القديم وشغّل install.bat مرة ثانية. مشاريعك ما تتأثر، وتلقى وش الجديد في ملف CHANGELOG.md.
احذف مجلد .claude\skills\hojas-studio من مجلد المستخدم (ولو ثبّتها بالملف المضغوط احذف مجلدها بعد). أصواتك وإعداداتك في .hojas-studio بنفس المكان لو تبي تمسحها بعد.